2026 jylǵy 8 tamyzda saǵat 22:05-te Abai oblysyndaǵy «Orlovskaia» shahtasynyń 10-gorizontynda tútin shyqqany anyqtaldy, dep habarlaidy ult.kz.
Kaz Minerals kompaniiasynyń habarlaýynsha, ónerkásiptik qaýipsizdik talaptaryna sáikes, túngi aýysymda jumys istegen qyzmetkerler jer betine evakýatsiialandy. Shahtadaǵy taý-ken qazbalaryn tekserip, tútindi joiý jumystaryna taý-ken qutqarý qyzmeti tartyldy.
Tekserý barysynda órt oshaǵy Monomatic burǵylaý qondyrǵysy ornalasqan aýmaqta bolǵany anyqtaldy. Tútin operativti túrde joiyldy. Oqiǵa saldarynan zardap shekkender joq.
Burǵylaý qondyrǵysy zaqymdanǵan. Aldyn ala málimet boiynsha, tútinniń shyǵýyna elektr kabeliniń zaqymdanýy sebep bolýy múmkin.
Qazir oqiǵanyń naqty sebepteri men mán-jaiy anyqtalyp jatyr. Shahta shtattyq rejimde jumys istep tur.
