2026 جىلعى 8 تامىزدا ساعات 22:05-تە اباي وبلىسىنداعى «ورلوۆسكايا» شاحتاسىنىڭ 10-گوريزونتىندا تٷتٸن شىققانى انىقتالدى, دەپ حابارلايدى ult.kz.
Kaz Minerals كومپانيياسىنىڭ حابارلاۋىنشا, ٶنەركەسٸپتٸك قاۋٸپسٸزدٸك تالاپتارىنا سەيكەس, تٷنگٸ اۋىسىمدا جۇمىس ٸستەگەن قىزمەتكەرلەر جەر بەتٸنە ەۆاكۋاتسييالاندى. شاحتاداعى تاۋ-كەن قازبالارىن تەكسەرٸپ, تٷتٸندٸ جويۋ جۇمىستارىنا تاۋ-كەن قۇتقارۋ قىزمەتٸ تارتىلدى.
تەكسەرۋ بارىسىندا ٶرت وشاعى Monomatic بۇرعىلاۋ قوندىرعىسى ورنالاسقان اۋماقتا بولعانى انىقتالدى. تٷتٸن وپەراتيۆتٸ تٷردە جويىلدى. وقيعا سالدارىنان زارداپ شەككەندەر جوق.
بۇرعىلاۋ قوندىرعىسى زاقىمدانعان. الدىن الا مەلٸمەت بويىنشا, تٷتٸننٸڭ شىعۋىنا ەلەكتر كابەلٸنٸڭ زاقىمدانۋى سەبەپ بولۋى مٷمكٸن.
قازٸر وقيعانىڭ ناقتى سەبەپتەرٸ مەن مەن-جايى انىقتالىپ جاتىر. شاحتا شتاتتىق رەجيمدە جۇمىس ٸستەپ تۇر.
