Abai oblysynda jolaýshylardy zańsyz tasymaldaǵan júrgizýshi anyqtaldy. Politsiia tekserý barysynda avtobýsqa ruqsatsyz ózgeris engizilgenin jáne júrgizýshiniń kólik basqarý quqyǵy ýaqytsha toqtatylǵanyn anyqtady, dep habarlaidy ult.kz.
Polisia.kz málimetinshe, «Tasymaldaýshy» jedel-profilaktikalyq is-sharasy kezinde politseiler Almaty – Óskemen avtojolynyń 769-shaqyrymynda Yutong markaly avtobýsty toqtatqan.
Tekserý kezinde kóliktiń tehnikalyq talaptarǵa sai emes ekeni belgili bolǵan. Atap aitqanda, avtobýs belgilengen tártippen kelisilmei qaita jabdyqtalǵan. Ortańǵy esik zaýyttyq talaptarǵa sai kelmeitin, qoldan jasalǵan konstrýktsiiamen ornatylǵan.
Sonymen qatar 42 jastaǵy júrgizýshiniń kýáliginiń qoldanylýy ýaqytsha toqtatylǵany anyqtaldy. Soǵan qaramastan ol jolaýshylar tasymalymen ainalysqan.
Tártip saqshylary avtobýsty arnaiy aiyppul turaǵyna ornalastyrdy. Qazirgi ýaqytta anyqtalǵan quqyq buzýshylyqtar boiynsha zańnamaǵa sáikes sharalar qabyldanyp jatyr.
Politsiia ókilderi tasymaldaýshylarǵa kólikterdiń tehnikalyq talaptarǵa sáikestigin qamtamasyz etýge jáne júrgizýshilerdiń kólik basqarý quqyǵyna qatysty talaptardy qatań saqtaýǵa shaqyrdy.
