اباي وبلىسىندا جولاۋشىلاردى زاڭسىز تاسىمالداعان جٷرگٸزۋشٸ انىقتالدى. پوليتسييا تەكسەرۋ بارىسىندا اۆتوبۋسقا رۇقساتسىز ٶزگەرٸس ەنگٸزٸلگەنٸن جەنە جٷرگٸزۋشٸنٸڭ كٶلٸك باسقارۋ قۇقىعى ۋاقىتشا توقتاتىلعانىن انىقتادى, دەپ حابارلايدى ult.kz.
Polisia.kz مەلٸمەتٸنشە, «تاسىمالداۋشى» جەدەل-پروفيلاكتيكالىق ٸس-شاراسى كەزٸندە پوليتسەيلەر الماتى – ٶسكەمەن اۆتوجولىنىڭ 769-شاقىرىمىندا Yutong ماركالى اۆتوبۋستى توقتاتقان.
تەكسەرۋ كەزٸندە كٶلٸكتٸڭ تەحنيكالىق تالاپتارعا ساي ەمەس ەكەنٸ بەلگٸلٸ بولعان. اتاپ ايتقاندا, اۆتوبۋس بەلگٸلەنگەن تەرتٸپپەن كەلٸسٸلمەي قايتا جابدىقتالعان. ورتاڭعى ەسٸك زاۋىتتىق تالاپتارعا ساي كەلمەيتٸن, قولدان جاسالعان كونسترۋكتسييامەن ورناتىلعان.
سونىمەن قاتار 42 جاستاعى جٷرگٸزۋشٸنٸڭ كۋەلٸگٸنٸڭ قولدانىلۋى ۋاقىتشا توقتاتىلعانى انىقتالدى. سوعان قاراماستان ول جولاۋشىلار تاسىمالىمەن اينالىسقان.
تەرتٸپ ساقشىلارى اۆتوبۋستى ارنايى ايىپپۇل تۇراعىنا ورنالاستىردى. قازٸرگٸ ۋاقىتتا انىقتالعان قۇقىق بۇزۋشىلىقتار بويىنشا زاڭناماعا سەيكەس شارالار قابىلدانىپ جاتىر.
پوليتسييا ٶكٸلدەرٸ تاسىمالداۋشىلارعا كٶلٸكتەردٸڭ تەحنيكالىق تالاپتارعا سەيكەستٸگٸن قامتاماسىز ەتۋگە جەنە جٷرگٸزۋشٸلەردٸڭ كٶلٸك باسقارۋ قۇقىعىنا قاتىستى تالاپتاردى قاتاڭ ساقتاۋعا شاقىردى.
