Aqparat jáne qoǵamdyq damý ministri Dáýren Abaev «Rýhani jańǵyrý» baǵdarlamasynyń jańa jobalaryn tanystyrdy, dep habarlaidy QazAqparat.
«Osy jyldyń 20 qańtarynda ministrlik Prezident Ákimshiliginiń memlekettik inspektorlarymen baǵdarlamany jergilikti deńgeide júzege asyrý máselelerin talqylady. Memlekettik inspektorlarǵa jergilikti deńgeide baǵdarlamanyń júzege asyrylýyn qadaǵalaý maqsatynda ár óńir boiynsha ádistemelik materialdar usynyldy. Sonymen birge qujat ainalymdaryn azaitý úshin óńirlerdiń esebin ózińizdiń aldyńyzda toqsan saiyn tyńdaýdy usynamyz», - dedi Dáýren Abaev Memlekettik hatshy Qyrymbek Kósherbaevtyń tóraǵalyǵymen Aqordada ótken QR Prezidenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi Ulttyq komissiianyń otyrysynda.
Ministr atap ótkendei, aimaqtarda osylaisha jospardyń oryndalǵanyna jedel monitoring júrgizip otyrýǵa bolady.
«Aldaǵy jylda memlekettik tapsyrys aiasynda jańa jobalardy júzege asyrý kózdelip otyr. Atap aitqanda, otbasylyq qundylyqtardy dáripteitin dástúrli mýzykany nasihattaý boiynsha jobalar, kásipkerlik sala men ulttyq óner túrleri boiynsha, álemdegi jańa tehnologiialar turǵysynda, sonymen birge balalarǵa arnalǵan animatsiialyq jobalar barshylyq. Dástúrli mýzyka men kúilerdiń, Abai Qunanbaiulynyń shyǵarmalary men qazaqstandyq avtorlardyń 100 jańa oqýlyǵyn alǵa jyljytý boiynsha aýdiopodkasttar ázirlenedi», - dedi Dáýren Abaev.
Aita ketsek, onyń aldynda ministr «Rýhani jańǵyrý» baǵdarlamasynyń 2020 jylǵa arnalǵan jańa josparyn tanystyrǵan bolatyn.
.jpeg)