اقپارات جەنە قوعامدىق دامۋ مينيسترٸ دەۋرەن اباەۆ «رۋحاني جاڭعىرۋ» باعدارلاماسىنىڭ جاڭا جوبالارىن تانىستىردى, دەپ حابارلايدى قازاقپارات.
«وسى جىلدىڭ 20 قاڭتارىندا مينيسترلٸك پرەزيدەنت ەكٸمشٸلٸگٸنٸڭ مەملەكەتتٸك ينسپەكتورلارىمەن باعدارلامانى جەرگٸلٸكتٸ دەڭگەيدە جٷزەگە اسىرۋ مەسەلەلەرٸن تالقىلادى. مەملەكەتتٸك ينسپەكتورلارعا جەرگٸلٸكتٸ دەڭگەيدە باعدارلامانىڭ جٷزەگە اسىرىلۋىن قاداعالاۋ ماقساتىندا ەر ٶڭٸر بويىنشا ەدٸستەمەلٸك ماتەريالدار ۇسىنىلدى. سونىمەن بٸرگە قۇجات اينالىمدارىن ازايتۋ ٷشٸن ٶڭٸرلەردٸڭ ەسەبٸن ٶزٸڭٸزدٸڭ الدىڭىزدا توقسان سايىن تىڭداۋدى ۇسىنامىز», - دەدٸ دەۋرەن اباەۆ مەملەكەتتٸك حاتشى قىرىمبەك كٶشەرباەۆتىڭ تٶراعالىعىمەن اقوردادا ٶتكەن قر پرەزيدەنتٸ جانىنداعى قوعامدىق سانانى جاڭعىرتۋ باعدارلاماسىن ٸسكە اسىرۋ جٶنٸندەگٸ ۇلتتىق كوميسسييانىڭ وتىرىسىندا.
مينيستر اتاپ ٶتكەندەي, ايماقتاردا وسىلايشا جوسپاردىڭ ورىندالعانىنا جەدەل مونيتورينگ جٷرگٸزٸپ وتىرۋعا بولادى.
«الداعى جىلدا مەملەكەتتٸك تاپسىرىس اياسىندا جاڭا جوبالاردى جٷزەگە اسىرۋ كٶزدەلٸپ وتىر. اتاپ ايتقاندا, وتباسىلىق قۇندىلىقتاردى دەرٸپتەيتٸن دەستٷرلٸ مۋزىكانى ناسيحاتتاۋ بويىنشا جوبالار, كەسٸپكەرلٸك سالا مەن ۇلتتىق ٶنەر تٷرلەرٸ بويىنشا, ەلەمدەگٸ جاڭا تەحنولوگييالار تۇرعىسىندا, سونىمەن بٸرگە بالالارعا ارنالعان انيماتسييالىق جوبالار بارشىلىق. دەستٷرلٸ مۋزىكا مەن كٷيلەردٸڭ, اباي قۇنانبايۇلىنىڭ شىعارمالارى مەن قازاقستاندىق اۆتورلاردىڭ 100 جاڭا وقۋلىعىن العا جىلجىتۋ بويىنشا اۋديوپودكاستتار ەزٸرلەنەدٸ», - دەدٸ دەۋرەن اباەۆ.
ايتا كەتسەك, ونىڭ الدىندا مينيستر «رۋحاني جاڭعىرۋ» باعدارلاماسىنىڭ 2020 جىلعا ارنالعان جاڭا جوسپارىن تانىستىرعان بولاتىن.
.jpeg)