Qazaqstannyń aqparat jáne kommýnikatsiialar ministri Dáýren Abaev Astana áýejaiyna Nursultan Nazarbaevtyń esimi berilgenine qatysty óz pikirin bildirdi, - dep habarlaidy kaz.tengrinews.kz tilshisi.
"Berildi-aý, áiteýir. Bul taqyryp 5-6 jyldai talqylandy. Qoldaimyn, árine. Elbasynyń Qazaqstannyń infraqurylymyna sińirgen eńbegin asyra aitý qiyn bolar. Qaraǵandyǵa kire bergende qandai úlken jumys atqarylǵanyn, qansha qarajat jumsalǵanyn sezip bilesizder ǵoi. Mundai sapadaǵy joldar keńes kezinen beri salynbady. Adamdar Pavlodarǵa barsa da, aitalyq... Bul joldar, bul protsess endi bastaldy. Nelikten Qorǵastan bastadyq, "Batys Qytai - Batys Eýropa" - bul joba halyq jadynda qalady", - deidi ministr jýrnalisterge halyqqa esep berý kezdesýinde.
Ministrdiń aitýynsha, Astananyń jańa áýejaiy - elimizdiń sipaty jáne qonaqtar ony Nazarbaevpen bailanystyrý kerek. Sonymen qatar, Abaev Elbasy mundai áreketterge tyiym salǵandyqtan jańa áýejaidyń atyna qalai qaraidy degen suraqqa jaýap berdi.
"Elbasy jańa ataýǵa túsinistikpen qarap, qoldaidy degen úmittemin. Munyń ne úshin mańyzdy ekenin joǵaryda aityp ótkenmin. Halyq keminde "Nurly jol" baǵdarlamasy arqyly jasalǵan jumysty esinde saqtaýy kerek", - dedi Abaev.
Abaevtyń pikirinshe, kóptegen nysandarǵa Nursultan Nazarbaevtyń atyn berýge bolady.
