Aqparat jáne qoǵamdyq damý ministri Dáýren Abaev esep berý kezdesýinde jaqyn ýaqytta oralmandarǵa búkil qujattaryn bir jerge tapsyryp, bir jerden alý múmkin bolatynyn aitty, – dep habarlaidy Baq.kz.
Esep berý kezdesýinde «Atajurt» qoǵamdyq qory direktorynyń orynbasary oralmandar máselesin kóterip, olardyń elge kelgen soń Qazaqstan azamattyǵyn alý úshin 8 mekeme arasynda shamamen 3-6 ai aralyǵynda júgirip júrip, qujattaryn bitiretinin aitty.
Aqparat jáne qoǵamdyq damý ministri bul máseleni ministrlik qarastyryp jatqanyn aitty.
«Kezinde migratsiialyq HQKO ashtyq. Ol shetelden kelgen azamatttarǵa «bir tereze» qaǵidasymen búkil memlekettik qyzmetti alýǵa múmkindik beredi. Al ózimizdiń qandastarymyzǵa mundai múmkindik joq. Osy máseleni qolǵa alyp, «bir tereze» qaǵidasy boiynsha elge qaityp kelemiz degen qandastarymyz bir jerden búkil qujattaryn tapsyryp, búkil qujattaryn alýǵa múmkindik berý máselesin biz qarastyryp jatyrmyz. Biyl osy jumysty bitiremiz. Onyń saltanatty ashylýyna ózderińizdi shaqyramyz» dedi Abaev.
