Aqparat jáne kommýnikatsiialar ministri Dáýren Abaev "Rýhani jańǵyrý" baǵdarlamasynyń logotipine qatysty shyqqan daýǵa pikir bildirdi, - dep habarlaidy Tengrinews.kz tilshisi.
Ministr mundai jaǵdai bolatynyn kútpegenin aitady.
"Biz qazir barlyǵyn qarap shyǵyp, sizderge jaýabyn aitamyz. Iá, rasynda da logotipter bir-birine uqsaidy, biraq menińshe, munda plagiat jaily aitylyp turǵan joq. Osy máselemen jeke ainalysamyz", - dedi Dáýren Abaev.
Eske sala keteiik, osyǵan deiin Egor Kochetov esimdi Facebook qoldanýshysy frantsýzdardyń L'Aigle De Patmos Theatre men qazaqstandyq "Rýhani jańǵyrýdyń" logotipteri uqsas ekeni jaily aitqan bolatyn. Ol logotip Internetke 2009 jyly shyqqany anyqtaldy, al L'Aigle De Patmos Theatre-dyń áleýmettik jelilerindegi paraqshalarǵa bul logotip 2013 jyly ornatylypty. Logotipterdiń uqsastyǵy Facebook qoldanýshylary arasynda daý týǵyzǵan edi
