QR Prezidenti Ákimshiligi Basshysynyń birinshi orynbasary Dáýren Abaev elimizde qaita vaktsinatsiialaý máselesine qatysty pikir bildirdi, dep habarlaidy QazAqparat.
«Memleket basshysy jaǵdaidy baqylaýynda ustap otyr. Revaktsinatsiia — kún tártibindegi mańyzdy suraqtardyń biri. Ony bastaý ýaqyttyń enshisine tiesili boldy. Aiǵaq retinde elden buryn bastaǵan Izraildiń revaktsinatsiialaý tájiribesin alsaq. Aitpaqshy, statistikaǵa súiensek, ol elde qaita vaktsina alǵandar ishinde koronavirýsqa shaldyqqandar aýrýdy 20 esege deiin jeńil ótkergen. Osy oraida Densaýlyq ministrliginiń aldynda halyqaralyq tájiribe men DDU-nyń usynymyna súiene otyryp revaktsinatsiialaýdyń naqty algoritmin jasaý mindeti tur. Eń basty suraq adam immýnynyń qaita qalyptasý merzimin anyqtaý. Ekinshi másele qandai vaktsina egiledi. Jáne úshinshi másele «Ashyq» júiesi qalai jumys isteitin bolady. Iaǵni «jasyl» mártebesi qaita qarala ma degen sekildi», - dedi Dáýren Abaev «Habar» telearnasynda ótken «Ashyq dialog» 2.0 (Otkrytyi dialog 2.0) suhbatynyń kezekti sanynda.
