QR Aqparat jáne kommýnikatsiialar ministri Dáýren Abaevtyń aitýynsha, "Aýylǵa arnalǵan keń jolaqty internet" jobasy iske asatyn bolsa, 4 million adam jyldam ári sapaly internetpen qamtamasyz etiledi, dep habarlaidy QazAqparat.
"Búginde aqparattyq texnologiialardy paidalaný jaǵynan qala men aýyldyń arasynda úlken alshaqtyq bar. Qalada internet jyldam isteidi. Sonyń arqasynda elektrondy portal arqyly memlekettik qyzmetterdi ońai alýǵa bolady. Aýylda olai emes. Sondyqtan biz qala men aýyldyń osy bir alshaqtyǵyn azaitý maqsatynda arnaiy jobany usynyp otyrmyz. Atalǵan bastama júzege assa, úsh jyldyń ishinde 1 900 eldi mekende jyldam ári sapaly internet bolady. Osylaisha, 4 million adam keń jolaqty internetti qoldana bastaidy. Bul degenimiz, aýylda otyrǵan aǵaiyn úiden shyqpai-aq kez kelgen qujatqa tapsyrys berip, sony poshtamen aldyrta alady", - dedi Abaev búgin Úkimet otyrysynan keiin ótken baspasóz máslixatynda.
Ministrdiń sózine qaraǵanda, aýylǵa arnalǵan internettiń baǵasy da arzan bolady. Sebebi jergilikti jerde arnaiy tarifter engizý kózdelip otyr.
Aita keteiik, baspasóz máslixaty barysynda ministr jyldyń aiaǵyna deiin árbir azamatty mártebesine qarai taǵy bir ret tirkeýge turýǵa úndedi. Sebebi kelesi jyldan bastap mindetti áleýmettik meditsinalyq saqtandyrýdyń jarnalary adamnyń jumyssyz, ia bolmasa, jumysy bar degen mártebesine qarai tólenedi. Ol úshin xalyqqa qyzmet kórsetý ortalyǵyna baryp, tirkeýge turý qajet.
.jpeg)