2022 jylǵy 1 qańtardaǵy jaǵdai boiynsha 198,4 myń otbasyndaǵy 990,5 myń adamǵa ataýly áleýmettik kómek (budan ári – AÁK) taǵaiyndaldy. Osy maqsatqa biýdjetten 68,5 mlrd teńge bólindi, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70%-ynan tómen azamattarǵa taǵaiyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deiingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boiynsha jumys júrgizilýde.
2022 jylǵy 1 qańtarda AÁK alýshylar qataryndaǵy 1 jastan 6 jasqa deiingi 259,4 myń balaǵa azyq-túlik jáne turmystyq himiia jiyntyǵy túrinde áleýmettik toptama taǵaiyndaldy.
Esterińizge sala keteiik, AÁK alýshylarǵa TJ tártibi men karantindik shekteý sharalarynyń qoldanylýyna bailanysty 2020 jylǵy II, III jáne IV toqsandarda, sondai-aq 2021 jylǵy I, II toqsandarda, 2022 jylǵy I toqsanda kómek taǵaiyndaý uzartyldy.
Qazirgi ýaqytta qazaqstandyqtar AÁK taǵaiyndaýǵa ótinishti turǵylyqty jeri boiynsha jumyspen qamtý ortalyǵynda, sondai-aq egov.kz elektrondyq úkimet portaly arqyly bere alady.
