Foto: videodan skrinshot
«Sybaǵa» memlekettik baǵdarlamasy aiasynda «Agrarlyq nesie korporatsiiasy» AQ Aqtóbe filialynda iri qara mal satyp alý úshin nesie qarajatyn alý kezinde alaiaqtyq faktileri anyqtaldy, dep habarlaidy Qarjylyq monitoring agenttiginiń baspasóz qyzmeti.
Tergeý barysynda jalǵan qujattardy paidalana otyryp, asyl tuqymdy iri qara mal satyp alýǵa bólingen kredittik qarajatty qolma-qol aqshaǵa ainaldyrǵan, sondai-aq bógde tulǵalarǵa sharýa qojalyqtaryn resimdegen 3 tulǵa anyqtalǵan.
Quqyqqa qaishy áreketteri arqyly olar memleketke jalpy somasy 970 mln teńgeden asa iri mólsherde zalal keltirgen.
"Qazirgi ýaqytta 3 kúdikti ustaldy, olarǵa qatysty sot «qamaýda ustaý» túrindegi bultartpaý sharasyn qoldandy.
Kúdiktilerdiń shamamen 260 mln teńgege jyljymaly jáne jyljymaityn múlkine tyiym salyndy.
QR QPK-niń 201-babynyń tártibimen tergeý múddesinde ózge de aqparat jariialaýǵa jatpaidy" - delingen habarlamada.
Aita keteiik, QR Konstitýtsiiasynyń 77-baby 3-tarmaǵynyń 1-tarmaqshasyna jáne QR Qylmystyq is júrgizý kodeksiniń 19-baby 1-bóligine sáikes qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árqaisysy kinásiz dep esepteledi.
