فوتو: ۆيدەودان سكرينشوت
«سىباعا» مەملەكەتتٸك باعدارلاماسى اياسىندا «اگرارلىق نەسيە كورپوراتسيياسى» اق اقتٶبە فيليالىندا ٸرٸ قارا مال ساتىپ الۋ ٷشٸن نەسيە قاراجاتىن الۋ كەزٸندە الاياقتىق فاكتٸلەرٸ انىقتالدى, دەپ حابارلايدى قارجىلىق مونيتورينگ اگەنتتٸگٸنٸڭ باسپاسٶز قىزمەتٸ.
تەرگەۋ بارىسىندا جالعان قۇجاتتاردى پايدالانا وتىرىپ, اسىل تۇقىمدى ٸرٸ قارا مال ساتىپ الۋعا بٶلٸنگەن كرەديتتٸك قاراجاتتى قولما-قول اقشاعا اينالدىرعان, سونداي-اق بٶگدە تۇلعالارعا شارۋا قوجالىقتارىن رەسٸمدەگەن 3 تۇلعا انىقتالعان.
قۇقىققا قايشى ەرەكەتتەرٸ ارقىلى ولار مەملەكەتكە جالپى سوماسى 970 ملن تەڭگەدەن اسا ٸرٸ مٶلشەردە زالال كەلتٸرگەن.
"قازٸرگٸ ۋاقىتتا 3 كٷدٸكتٸ ۇستالدى, ولارعا قاتىستى سوت «قاماۋدا ۇستاۋ» تٷرٸندەگٸ بۇلتارتپاۋ شاراسىن قولداندى.
كٷدٸكتٸلەردٸڭ شامامەن 260 ملن تەڭگەگە جىلجىمالى جەنە جىلجىمايتىن مٷلكٸنە تىيىم سالىندى.
قر قپك-نٸڭ 201-بابىنىڭ تەرتٸبٸمەن تەرگەۋ مٷددەسٸندە ٶزگە دە اقپارات جارييالاۋعا جاتپايدى" - دەلٸنگەن حابارلامادا.
ايتا كەتەيٸك, قر كونستيتۋتسيياسىنىڭ 77-بابى 3-تارماعىنىڭ 1-تارماقشاسىنا جەنە قر قىلمىستىق ٸس جٷرگٸزۋ كودەكسٸنٸڭ 19-بابى 1-بٶلٸگٸنە سەيكەس قىلمىستىق قۇقىق بۇزۋشىلىق جاساۋداعى كٸنەسٸ سوتتىڭ زاڭدى كٷشٸنە ەنگەن ٷكٸمٸمەن بەلگٸلەنگەنگە دەيٸن ەرقايسىسى كٸنەسٸز دەپ ەسەپتەلەدٸ.
