Tyiym salynǵan zattardy ákelgen 95 adam Ulttyq biryńǵai test tapsyrýǵa jiberilmedi. Bul týraly QR Ulttyq testileý ortalyǵynyń direktory Rýslan Emelbaev aitty, dep habarlaidy QazAqparat.
«Ulttyq biryńǵai testileýge jiberilmegen jáne nátijeleri joiylǵan test tapsyrýshylardyń jalpy sany – 95 adam. Onyń ishinde testileýge kirgizý barysynda ártúrli tyiym salynǵan zattardy alyp kelgeni úshin testileýge jiberilmegender – 23 adam. Al test tapsyrý barysynda tyiym salynǵan zattardy qoldanǵany úshin 72 talapkerdiń nátijesi joiyldy», - dedi ol Bilim ministrliginiń apparat jinalysynda.
Onyń dereginshe, pandemiiaǵa bailanysty barlyq sanitarlyq normalar saqtalǵan. Talapkerler 42 test tapsyrý pýnktinde 50 paiyz tolymdylyqpen UBT tapsyryp jatyr.
«Bir ǵana talapker dene qyzýy joǵary bolǵandyqtan testileýge jiberilmedi. Ol basqa ýaqytta tapsyratyn bolady. Múmkindigi shekteýli, erekshe bilim berý qajettiligi bar 29 talapker test tapsyrdy. Biyl olarǵa qosymsha 40 minýt ýaqyt jáne arnaýly oryn belgilengen. Test mazmuny da olardyń erekshelikterin eskere otyryp ázirlengen», - dedi Rýslan Emelbaev.
