Foto: polisia.kz
Óskemen qalasynda iri esirtki qoimasy joiyldy. Arnaiy operatsiia oblys prokýratýrasymen birlesken jedel-profilaktikalyq is-sharalar aiasynda júrgizildi, dep habarlaidy Ult.kz.
Jedel-izdestirý barysynda 27 jastaǵy jergilikti turǵyn anyqtaldy. Tintý kezinde onyń garajynan esirtki saqtalǵan qoima tabyldy.
Oqiǵa ornynan ósimdik tektes zat salynǵan eki qorap, kólemi 120 litr bolatyn jartylai toltyrylǵan alty plastik bóshke, sondai-aq qaldyqtary bar úsh bóshke jáne býyp-túiýge arnalǵan materialdar tárkilendi.
Saraptama nátijesi tárkilengen zattyń 93 keliden astam keptirilgen marihýana ekenin kórsetti.
Kúdikti ustalyp, ýaqytsha ustaý izoliatoryna qamaldy.
