Semei qalasynda 91 jastaǵy keiýanany kútip-baqqan áieldiń qatygez áreketi áshkerelendi. Oqiǵaǵa qatysty tekserý júrgizilip jatyr, dep habarlaidy ult.kz.
Týystarynyń aitýynsha, qart ananyń jaǵdaiynan kúmándanǵan jaqyndary úige jasyryn beinekamera ornatqan. Beinejazbalardan kútýshiniń keiýanany turaqty túrde qorlap, kúsh qoldanǵany baiqalǵan.
Oqiǵa áleýmettik jelilerde keńinen taralyp, qoǵamnyń narazylyǵyn týdyrdy. Qart áieldiń týystary kútýshiniń áreketine tiisti quqyqtyq baǵa berilýin talap etýde.
Abai oblystyq Politsiia departamentiniń málimetinshe, jariialanǵan aqparat negizinde tekserý júrgizilip, qart áielge kútim jasaǵan azamatsha anyqtalyp, politsiia bólimshesine jetkizilgen.
Vedomstvonyń habarlaýynsha, aldyn ala tekserý nátijeleri boiynsha áieldiń áreketterinen basqa adamnyń ar-namysy men qadir-qasietin qasaqana qorlaý belgileri baiqalady. Qazirgi ýaqytta oqiǵanyń barlyq mán-jaiy anyqtalyp jatyr.
Tekserý qorytyndysy boiynsha zań aiasynda tiisti sheshim qabyldanady.
