889 myńnan astam qazaqstandyq 42 500 teńge birjolǵy tólemin aldy, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«21 shilde saǵat 9.00-degi jaǵdai boiynsha shilde aiynda shekteý sharalaryn engizýge bailanysty tabysynan aiyrylǵan jaǵdaida Memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵaiyndaýǵa azamattardan 1,5 mln myń ótinish qabyldandy. Tólem 1 mln 121 myń adamǵa taǵaiyndaldy. Aqshalai qarajat 889,5 myń qazaqstandyqqa aýdaryldy», delingen habarlamada.
MÁSQ-tan tólem alýǵa ótinim birneshe arna arqyly qabyldanady.
1 million 509 myń ótinimniń ishinde:
– 755,8 myń adam proaktivti formatta tólem taǵaiyndaýǵa kelisim berdi;
– 363,7 myń adam Egov.kz portaly jáne Telegram bot arqyly;
– 109,7 myń adam 42500.enbek.kz portaly arqyly;
– 280,5 myń adam ekinshi deńgeidegi bankterdiń mobildi qosymshasy men internet resýrstary arqyly ótinish bergen.
Azamattardyń sanattary bólinisinde: 755,8 myń ótinish biryńǵai jiyntyq tólem tóleýshilerden berildi (proaktivti formatta); 58,4 myń ótinishti jaldamaly qyzmetkerleri úshin jumys berýshiler berdi; 695,6 myń ótinish azamattardyń basqa sanattarynan kelip tústi (jeke kásipkerler; azamattyq-quqyqtyq sipattaǵy sharttar boiynsha tabys tabatyn tulǵalar).
Esterińizge sala keteiik, Memleket basshysynyń tapsyrmasy boiynsha 2020 jyldyń shilde aiynda karantin jariialanýyna bailanysty jumys istep jatqan qazaqstandyqtarǵa tabysy tolyq joǵalǵan jaǵdaida eń tómengi jalaqy – 42 500 teńge mólsherinde birjolǵy tólem beriledi.
16 shildeden bastap BJT tóleýshi adamdar úshin SMS habarlama jiberý arqyly birjolǵy tólemdi taǵaiyndaý boiynsha proaktivti qyzmet kórsetý júzege asyrylýda.
18 shildeden bastap BJT tóleýshiler egov.kz jáne 42500.enbek.kz portaly; Telegram bot-tar; Aitu messendjerindegi 42500.enbek.kz qosymshasy; ekinshi deńgeidegi bankterdiń mobildi qosymshacy men internet resýrstary arqyly ótinim bere alady.
Tólemdi proaktivti taǵaiyndaýǵa kelisim bergen azamattarǵa basqa arnalar arqyly ótinim berýdiń qajeti joq, sebebi SMS-ke berilgen jaýap avtomatty túrde ótinim berý bolyp sanalady.
17 shildeden bastap jeke kásipkerlerden; jeke praktikamen ainalysatyn adamdardan; azamattyq-quqyqtyq sipattaǵy sharttar boiynsha tabys alatyn jeke tulǵalardan ótinim qabyldanady.
Jalaqy saqtalmaityn demalysqa jiberilgen jaldamaly qyzmetkerler úshin ótinimdi tek jumys berýshi ǵana berýi tiis. Jumys berýshilerden (zańdy jáne jeke tulǵalardan) ótinish 19 shildeden bastap qabyldanady.
Ótinish qabyldaý 2020 jyldyń 1 qyrkúiegine deiin jalǵasady.
