Jelide Dimashtyń Las-Vegas áýejaiynda 9 jastaǵy tyńdarmanymen qaýyshqan videosy paida boldy. Videodaǵy bala - aýtizm dertine shaldyqqan Gabriel. Anasynyń aitýynsha, Dimash ánderin kóp tyńdaǵannan keiin balasynyń tili shyǵa bastaǵan. Bul týraly anasy Nensi Seniseros "1001 tún" baǵdarlamasyna suhbat berdi, dep habarlaidy Massaget.kz portaly.
Nensi Seniseros balasy Dimashtyń ánderin kóp tyńdaitynyn aitty. Ol, ásirese, frantsýzdyń "S.O.S" ánin tyńdaǵannan keiin tili shyǵa bastaǵanyn baiqaǵan.
"Iá, ras. Aldymen az-azdan sóilep bastady, keiin tipten kóp sóileitin boldy. Bir qyzyǵy Dimashtyń túrli tildegi ánderin estigen soń, ol da túrli tilde sóilei bastady", - deidi Nensi.
Balanyń ata-anasy Gabrieldi arnaiy dárigerge aparmaǵan, biraq bala aýtizm dertine shaldyqqan balalarǵa arnalǵan mektepte oqidy. Ondaǵy muǵalimder mundai jaǵdaiǵa tańǵalyp, óleń tyńdaýyn toqtatpaýdy ótingen.
"Muǵalimder munyń paidasy shynymen bar ekenin aitty", - dedi anasy.
Sondai-aq, Nensi kezdesý qalai josparlanǵanyn, qalai ótkenin aitty.
"Dimashtyń Las-Vegasqa keletinin dostarymnan estidim. Sol boida áýejaida ony kúttik. Gabriel Dimashty birinshi kórdi, júgirip baryp qushaqtap aldy", - dedi ol.
Al Dimash tyńdarmanynyń mundai jetistigine qýanyp, kostiýmin syiǵa tartqan.
