جەلٸدە ديماشتىڭ لاس-ۆەگاس ەۋەجايىندا 9 جاستاعى تىڭدارمانىمەن قاۋىشقان ۆيدەوسى پايدا بولدى. ۆيدەوداعى بالا - اۋتيزم دەرتٸنە شالدىققان گابريەل. اناسىنىڭ ايتۋىنشا, ديماش ەندەرٸن كٶپ تىڭداعاننان كەيٸن بالاسىنىڭ تٸلٸ شىعا باستاعان. بۇل تۋرالى اناسى نەنسي سەنيسەروس "1001 تٷن" باعدارلاماسىنا سۇحبات بەردٸ, دەپ حابارلايدى Massaget.kz پورتالى.
نەنسي سەنيسەروس بالاسى ديماشتىڭ ەندەرٸن كٶپ تىڭدايتىنىن ايتتى. ول, ەسٸرەسە, فرانتسۋزدىڭ "S.O.S" ەنٸن تىڭداعاننان كەيٸن تٸلٸ شىعا باستاعانىن بايقاعان.
"يە, راس. الدىمەن از-ازدان سٶيلەپ باستادى, كەيٸن تٸپتەن كٶپ سٶيلەيتٸن بولدى. بٸر قىزىعى ديماشتىڭ تٷرلٸ تٸلدەگٸ ەندەرٸن ەستٸگەن سوڭ, ول دا تٷرلٸ تٸلدە سٶيلەي باستادى", - دەيدٸ نەنسي.
بالانىڭ اتا-اناسى گابريەلدٸ ارنايى دەرٸگەرگە اپارماعان, بٸراق بالا اۋتيزم دەرتٸنە شالدىققان بالالارعا ارنالعان مەكتەپتە وقيدى. ونداعى مۇعالٸمدەر مۇنداي جاعدايعا تاڭعالىپ, ٶلەڭ تىڭداۋىن توقتاتپاۋدى ٶتٸنگەن.
"مۇعالٸمدەر مۇنىڭ پايداسى شىنىمەن بار ەكەنٸن ايتتى", - دەدٸ اناسى.
سونداي-اق, نەنسي كەزدەسۋ قالاي جوسپارلانعانىن, قالاي ٶتكەنٸن ايتتى.
"ديماشتىڭ لاس-ۆەگاسقا كەلەتٸنٸن دوستارىمنان ەستٸدٸم. سول بويدا ەۋەجايدا ونى كٷتتٸك. گابريەل ديماشتى بٸرٸنشٸ كٶردٸ, جٷگٸرٸپ بارىپ قۇشاقتاپ الدى", - دەدٸ ول.
ال ديماش تىڭدارمانىنىڭ مۇنداي جەتٸستٸگٸنە قۋانىپ, كوستيۋمٸن سىيعا تارتقان.
