Foto: Novosti iz Kremlia-telegram
Máskeý mańyndaǵy Krasnogorsk qalasynda 9 jastaǵy bala jerden aqsha salynǵan túiinshekti kóterip alǵan kezde, túiinshek jarylyp ketken. Bul týraly Baza Telegram arnasy habarlady.
Oqiǵa seisenbi kúni keshke Pionerskaia kóshesinde, bala jattyǵýdan qaityp kele jatqan sátte bolǵan.
«Bala balalar alańynyń qasynda jatqan aqshany kórip, eńkeigen — sol sátte jarylys bolǵan», — dep jazady Baza.
Aldyn ala málimet boiynsha, balanyń qoly jaralanyp, birneshe saýsaǵy julynyp ketken. Ol aýrýhanaǵa jetkizildi.
Jarylys týraly aqparatty Krasnogorskidegi sport klýbynyń jattyqtyrýshysy «Ostorojno, novosti» Telegram arnasyna rastaǵan. Er adam zaldan shyqqanda asfaltta bir qoly qanǵa bókken balany kórgenin aitqan. Ol balaǵa kómek kerek pe dep suraǵan, sol sátte jedel járdem toby kelip jetken. Jattyqtyrýshy jarylǵysh zat týraly eshteńe bilmeitinin jetkizdi.
