Almatyda Abai men Seifýllin dańǵyldarynyń qiylysynda qarsy jolaqta kele jatqan jol talǵamaityn kólik júrgizýshisin Ákimshilik kodekstiń birneshe baby boiynsha jaýapqa tartyldy, dep habarlaidy "Ult aqparat" Polisia.kz saityna silteme jasap.
– Azamat «E» 19 jasta. Onyń 30 tamyzda tańerteń jol qozǵalysy erejelerin óreskel buzǵany anyqtaldy. Abai dańǵylymen batys baǵytta kele jatyp, Seifýllin men Muqanov arasyndaǵy aralyqta eki ret qarsy jolaqqa shyǵyp ketken. Belgisiz qalý úshin jas jigit mashinadan memlekettik tirkeý nómirlik belgilerin alyp tastaǵan. Bizdiń bólimniń qyzmetkerleri qaladaǵy beinebaqylaý júielerin qoldanyp, buzaqyny anyqtady. Onyń júrgen barlyq baǵyty tekserildi. Toǵyz minýt ishinde ol jol erejesin 12 ret buzǵan, – dedi Almaty qalalyq PD jergilikti Politsiia qyzmeti basqarmasy bastyǵynyń orynbasary Erik Nasyrbekov.
«Toyota Land Cruiser» júrgizýshisine qatysty 12 ákimshilik hattama toltyryldy. Oǵan salynǵan aiyppul mólsheri 225 myń teńge. Óndiristik materialdar Almaty qalasyndaǵy SMAS-qa jiberildi. Bul quqyq buzýshylyq túri kólik quralyn basqarý quqyǵynan aiyrýdy qarastyrady.
