الماتىدا اباي مەن سەيفۋللين داڭعىلدارىنىڭ قيىلىسىندا قارسى جولاقتا كەلە جاتقان جول تالعامايتىن كٶلٸك جٷرگٸزۋشٸسٸن ەكٸمشٸلٸك كودەكستٸڭ بٸرنەشە بابى بويىنشا جاۋاپقا تارتىلدى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
– ازامات «ە» 19 جاستا. ونىڭ 30 تامىزدا تاڭەرتەڭ جول قوزعالىسى ەرەجەلەرٸن ٶرەسكەل بۇزعانى انىقتالدى. اباي داڭعىلىمەن باتىس باعىتتا كەلە جاتىپ, سەيفۋللين مەن مۇقانوۆ اراسىنداعى ارالىقتا ەكٸ رەت قارسى جولاققا شىعىپ كەتكەن. بەلگٸسٸز قالۋ ٷشٸن جاس جٸگٸت ماشينادان مەملەكەتتٸك تٸركەۋ نٶمٸرلٸك بەلگٸلەرٸن الىپ تاستاعان. بٸزدٸڭ بٶلٸمنٸڭ قىزمەتكەرلەرٸ قالاداعى بەينەباقىلاۋ جٷيەلەرٸن قولدانىپ, بۇزاقىنى انىقتادى. ونىڭ جٷرگەن بارلىق باعىتى تەكسەرٸلدٸ. توعىز مينۋت ٸشٸندە ول جول ەرەجەسٸن 12 رەت بۇزعان, – دەدٸ الماتى قالالىق پد جەرگٸلٸكتٸ پوليتسييا قىزمەتٸ باسقارماسى باستىعىنىڭ ورىنباسارى ەرٸك ناسىربەكوۆ.
«Toyota Land Cruiser» جٷرگٸزۋشٸسٸنە قاتىستى 12 ەكٸمشٸلٸك حاتتاما تولتىرىلدى. وعان سالىنعان ايىپپۇل مٶلشەرٸ 225 مىڭ تەڭگە. ٶندٸرٸستٸك ماتەريالدار الماتى قالاسىنداعى سماس-قا جٸبەرٸلدٸ. بۇل قۇقىق بۇزۋشىلىق تٷرٸ كٶلٸك قۇرالىن باسقارۋ قۇقىعىنان ايىرۋدى قاراستىرادى.
