Foto: Polisia.kz
Ishki ister ministrligi mal urlyǵyna qarsy kúresti kúsheitip jatyr. Osy baǵyttaǵy kezekti operatsiia nátijesinde Jambyl oblysynda eki birdei qylmystyq top qolǵa tústi, dep habarlaidy Polisia.kz.
Sáýirdiń ekinshi onkúndiginde Sarysý aýdanynda jylqy urlyǵyn kásipke ainaldyrǵan kúdiktiler ustaldy. Tergeý dereginshe, olar dalada qaraýsyz jaiylǵan maldy aldyn ala baqylap, tún ishinde “Gazel” kóligimen kelip tiep áketken. Urlanǵan jylqylar keiin kórshiles aýdandarda satylyp otyrǵan.
Politsiia málimetinshe, kúdiktiler jalpy quny 15 million teńgeden asatyn 39 jylqyny qoldy qylǵan. Qazir barlyq kúdikti qamaýǵa alyndy.
IIM ókilderi mal urlyǵy úshin múlki tárkilenip, 12 jylǵa deiin bas bostandyǵynan aiyrý jazasy qarastyrylǵanyn eskertti. Sondai-aq mal ielerine tórt túlikti qaraýsyz qaldyrmai, mindetti túrde sáikestendirý sharalaryn júrgizý usynyldy.
