9 aida respýblikalyq biýdjetten shyǵystarǵa bólingen 11 trln teńgeniń 13 mlrd teńgesi igerilmegen, dep habarlaidy QazAqparat.
Úkimet otyrysynda QR Qarjy ministri Erulan Jamaýbaev osyndai málimet keltirdi.
«Memlekettik biýdjettiń shyǵystary 99,7%-ke, respýblikalyq biýdjettiń shyǵystary – 99,8%-ke, jergilikti biýdjetterdiń shyǵystary 99,7%-ke atqaryldy.
Ótken jyldyń uqsas kezeńimen salystyrǵanda biýdjetterdiń barlyq deńgeilerinde atqarylý protsenti joǵary. Respýblikalyq biýdjet boiynsha somasy 11 trln teńgege shyǵystar júrgizildi.
Biýdjettiń oryndalmaýy 19 mlrd teńgeni qurady. Onyń ishinde 6 mlrd teńge únemdeýge jatady. Igerilmegeni - 13 mlrd teńge», - degen ministr ásirese Mádeniet jáne sport, Densaýlyq saqtaý, Ádilet, Tsifrlyq damý, innovatsiialar jáne aeroǵarysh ónerkásibi ministrlikterinde shyǵystardy igerý kestesi keshigip jatqanyn aitty.
Onyń sózinshe, igerilmeýdiń negizgi sebepterine tólem naqty kórsetilgen qyzmetter men oryndalǵan jumys aktileriniń, shot-faktýralardyń ýaqtyly usynylmaýy, qazynashylyq organdaryna tólem shottaryn kesh usynýy, sotta memleket múddesin qorǵaý jónindegi talap-aryz jumystaryn júrgizý siiaqty jaittar sebep bolǵan.
Qarjy ministri jergilikti biýdjetterdiń shyǵystaryna da toqtaldy.
«Aǵymdaǵy jyly óńirlerge 2,5 trln teńge somasynda nysanaly transfertter kózdelgen. 1 qazanda olarǵa 1 trln 525 mlrd teńge bólingen. Onyń 99,5%-i igerildi. Atqarylmaǵany – 7 mlrd teńge, onyń ishinde únemdelgeni – 3 mlrd teńge, igerilmegeni - 4 mlrd teńge.
Ásirese Túrkistan, Aqtóbe, Qyzylorda jáne Jambyl oblystarynda shyǵystardy igerý qarqyny tómen», - dedi Erulan Jamaýbaev.
