Tatarstan astanasyndaǵy mektepte bolǵan atystan qaza tapqandar sany toǵyzǵa jetti. Bul týraly Respýblika Prezidenti Rýstam Minnihanov málimdedi, - dep habarlaidy "Ult aqparat" RIA Novosti agenttigine silteme jasap.
"Biz jeti baladan aiyryldyq, segizinshi synyp oqýshylary: tórt ul men úsh qyz. Sonymen qatar, bir muǵalim men áiel qyzmetkerden aiyryldyq", - dedi Memleket basshysy.
Minnihanovtyń aitýynsha, 18 oqýshy balalar klinikalyq aýrýhanasynda jatyr.
"Ókinishke qarai, oqtan jaralanǵandar da, súiegi synǵandar da bar. Dárigerler balalarymyzdyń ómirin saqtaý úshin barlyǵyn jasap jatyr. Eki eresek jetinshi aýrýhanada, al bireýi respýblikalyq klinikalyq aýrýhanada jatyr. Olarǵa da oq tigen" - dedi respýblika basshysy.
Buǵan deiin resmi túrde jeti adam qaitys bolǵany habarlanǵan edi.
