Aýyldyq okrýg ákimderin tikelei sailaý nátijesi saiasi partiialardyń belsendilik deńgeiine sáikes keledi. QR Prezidenti Ákimshiligi Basshysynyń orynbasary Málik Myrzalin «Habar 24» telearnasyna bergen suhbatta osyndai oi aitty, dep habarlaidy QazAqparat.
«Bul sailaýǵa alty partiianyń da ókilderi qatysty.Sailanǵan 864 ákimniń 77,7%-y nemese 671 adam Nur Otan-nyń ókili boldy. «Aýyl» partiiasynan 3,8% iaǵni 33 adam ákim atansa, «Adal» partiiasynan 1,7%, iaǵni 15 ákim, «Aqjol» partiiasynan 1,4% nemese 12 adam, Qazaqstan halyq partiiasynan 1,3% nemese 11 adam jáne JSDP-dan 0,1%, iaǵni 1 adam ákim atandy. Mundai nátije partiialardyń sailaý kezeńindegi de, qalypty kezdegi de saiasi belsendilik deńgeiine sáikes keletinin atap ótý kerek» – dedi Málik Myrzalin.
Suhbat barysynda Málik Myrzalin biyl 864 ákim qyzmetke halyqtyń tikelei daýys berýi arqyly kelgenin aitty.
Sondai-aq ol daýys berýshilerdiń aýyl ákimderiniń sailaýyna belsendi qatysqanyn atap ótti.
«Qazaqstan boiynsha sailaýshylardyń ortasha kelý kórsetkishi 78,5% boldy. Aýyldyq okrýgterde árdaiym halyq sailaýǵa belsendi qatysady», - dedi Preziident ákimshiligi basshysynyń orynbasary.
