2020 jyly Qazaqstanda shyǵarylǵan 85 267 kompiýter mektep oqýshylaryna tabystaldy. Bul týraly QR Tsifrlyq damý, innovatsiia jáne aeroǵarysh ónerkásibi ministrligi málim etti, dep habarlaidy "Ult aqparat".
QR Tsifrlyq damý, innovatsiialar jáne aeroǵarysh ónerkásibi ministrligi QR Úkimetiniń kómegimen mektep oqýshylaryna otandyq segiz óndirýshi jasap shyǵarǵan 85 267 kompiýter tehnikasyn tapsyrdy.
QR Tsifrlyq damý, innovatsiia jáne aeroǵarysh ónerkásibi ministrliginiń málimetinshe, onyń ishinde Úkimet rezervinen bólingen qarajat sheńberinde 74 711 kompiýterlik tehnikany jetkizýge 4 otandyq óndirýshimen kelisimshart jasalǵan («Logikom» AQ, «Kirov atyndaǵy zaýyt» AQ, «Ateko» JShS jáne «ROM Kompiýterlik ortalyǵy»).
Osy kelisimderdiń arqasynda kompaniialar 160 jańa jumys ornyn ashyp, óndiris kólemin ótken jylmen salystyrǵanda 2,5 eseden astam ósirdi (5,5 mlrd teńge).
Búgingi kúni otandyq óndirýshiler kompiýterlik tehnikany jetkizý boiynsha barlyq kelisimshartty tolyǵymen oryndady.
«Qysqa merzimge, komponentterdiń jetispeýshiligine jáne logistika problemalaryna qaramastan otandyq kompaniialardyń kópshiligi barlyq mindettemelerdi ýaqytynda oryndaýǵa kúsh saldy. Sonymen qatar, paidalanýshylardan ónimniń sapasyna qatysty shaǵymdar bolǵan joq, óitkeni tájiribesi mol jáne ónimderdi synaý úshin qajetti jabdyqtary bar bul kompaniialar sapany 3 jylǵa deiin kepildikpen qamtamasyz etti», - deidi ministrliktegiler.
