Foto: Pexels.com
Qazaqstanda 800 mektep kitaphanasynyń modernizatsiiasy aiaqtalyp, 280 myńnan astam bala jańartylǵan resýrstarǵa qol jetkizdi, dep habarlaidy Ult.kz.
Mektep kitaphanalarynyń materialdyq-tehnikalyq bazasyn nyǵaitý 1000 aýyl mektebin modernizatsiialaý baǵdarlamasynyń bir bóligi bolyp tabylady.
«Memleket jyl saiyn mektep infraqurylymyn jaqsartýǵa qarajat bóledi. Biyl modernizatsiia aiasynda 800 mektep kitaphanasy jańartylyp, olardyń qory jańa kórkem ádebietpen tolyqtyryldy. Sonymen qatar, kitaphanalardaǵy jihazdar jańartyldy», — dep atap ótti Infraqurylymdy damytý departamenti direktorynyń orynbasary Roza Sembaeva.
Budan bólek, «Balalar kitaphanasy» jobasy aiasynda mektep kitaphanalaryn damytý jáne oqýshylardyń kitap oqýǵa degen qyzyǵýshylyǵyn arttyrý baǵytynda júieli jumystar júrgizilýde. Búgingi tańda mektep kitaphanalarynyń qoryna 1,6 million dana kórkem ádebiet qosylyp, jalpy kitap qory 141 millionnan asty.
Sondai-aq, mektep kitaphanashylarynyń biliktiligin arttyrýǵa erekshe kóńil bólinýde. 2024 jyly 1 775 maman arnaiy kýrstan ótti, onyń ishinde 1 239-y mektep kitaphanashysy, 536-sy kolledj kitaphanashysy. Bul shara kitaphana qyzmetkerleriniń kásibi deńgeiin kóterip, olardyń jumys sapasyn jaqsartýǵa yqpal etedi.
