Arktikada muz jamylǵysynyń erýinen poliar aiýlary osy ǵasyrdyń sońynda joiylyp ketýi múmkin, dep habarlaidy Euronews.
Qazirdiń ózinde jyrtqyshtar ashtan ólýde, óitkeni olardyń tabiǵi tirshilik etý ortasy buzylǵan. Ǵalymdardyń pikirinshe, eger atmosferada kómirqyshqyl gazynyń shyǵaryndylary qazirgi deńgeide saqtalsa, onda jahandyq jylyný poliar aiýlary úshin qaiǵyly saldarǵa ákelýi múmkin.
Arktikadaǵy klimattyń ózgerýi búginde planetanyń basqa aimaqtarymen salystyrǵanda eki ese jyldam júrip jatyr. Poliar aiýlary shamamen 200 kún ash júre alady. Biraq olarǵa qoregin tabý qiynǵa soǵýda.
Olar muzda ómir súretin arktikalyq itbalyqtardy aýlaidy. Eger janýardyń dene salmaǵy normadan 20% az bolsa, onda ol qoreksiz 200 kún emes, tek 125 kún ómir súre alady.
Nature Climate Change ǵylymi jýrnalynda jariialanǵan zertteýde eger jyrtqyshtardyń tirshilik etý ortasyna antropogendik áser toqtamasa, klimat týraly Parij kelisiminiń maqsattarynyń jetistigi de poliar aiýlaryn joiylyp ketýden saqtai almaityny aitylǵan.
