Jambyl oblysynyń Sarysý aýdanynda 8 jastaǵy, ekinshi synypta oqityn qyzǵa jynystyq zorlyq-zombylyq kórsetken týysy ómir boiyna bas bostandyǵynan aiyryldy, dep habarlaidy ult.kz.
Sot materialdaryna sáikes, er adam qyzdyń úiine kelgen. Sol sátte balanyń anasy úlken balalarymen birge úiden shyǵyp ketken. Kishkentai qyz úide qart atasymen qalǵan. Osy kezde sottalýshy balanyń dármensiz jaǵdaiyn paidalanyp, oǵan zorlyq kórsetken.
Qylmystyq is boiynsha júrgizilgen saraptama qorytyndysy jábirlenýshige qatysty zorlyq-zombylyq bolǵanyn rastaǵan. Qyzdyń anasy keiin politsiiaǵa aryz túsirgen.
Sot otyrysy jabyq formatta ótken. Is barysynda sottalýshynyń kinási dáleldenip, oǵan eń qatań jaza – ómir boiyna bas bostandyǵynan aiyrý taǵaiyndalǵan.
Oqiǵaǵa qatysty basqa da málimetter kámeletke tolmaǵan balanyń múddesin qorǵaý maqsatynda jariialanbaǵan.
