Aqmola, Aqtóbe, Shyǵys Qazaqstan, Batys Qazaqstan, Qaraǵandy (Qaraǵandy óńiri), Qostanai, Pavlodar jáne Soltústik Qazaqstan oblystarynda 15 tamyzdan bastap aýyr júk tasymaldaý kólikteriniń qozǵalysyna qoiylǵan ýaqytsha shekteýler alyndy, dep habarlaidy "Ult aqparat" QR Indýstriia jáne infraqurylym ministrliginiń resmi saityna silteme jasap.
Eske salaiyq, jazǵy kezeńde mundai kólikterdiń qozǵalysyna shekteýler 1 maýsym men 15 tamyz aralyǵynda saǵat 11:00-den 21:00-ge deiin aýa temperatýrasy 25 gradýstan joǵary bolǵan kezde engizilgen bolatyn. Almaty, Atyraý, Jambyl, Qaraǵandy (Jezqazǵan óńiri), Qyzylorda, Ońtústik Qazaqstan jáne Mańǵystaý oblystarynda aýyr júk tasymaldaý kólikteriniń qozǵalysyna qoiylǵan shekteýler 31 tamyzǵa deiin saǵat 10:00-den 22:00-ge deiin aýa temperatýrasy 25 gradýstan joǵary bolǵan jaǵdaida kúshin saqtaidy.
Jeke biligine 8 tonnadan asa júkteme túsiretin júk kólikteriniń qozǵalysyna shekteýler jyl saiyn engiziledi. Bul shekteýler halyqaralyq kelisimderge sáikes júkter men jolaýshylardy halyqaralyq tasymaldaýdy, tótenshe jaǵdailardyń aldyn alý jáne ony joiý jónindegi is-sharalardy júzege asyratyn, tez búlinetin taýarlardy, jolaýshylardy, júkterdi, bólýge kelmeitin kólemdi ári aýyr júkterdi Qazaqstan Respýblikasynyń zańnamasymen belgilengen tártip boiynsha tasymaldaityn kólikterge, sondai-aq, joldarda qaita jańartý jumystaryn júrgizý úshin merdiger uiymdarǵa berilgen kólikterge qatysty emes.
