Respýblika boiynsha 8129 otbasy órt qaýipsizdigi durys saqtalmaǵan úilerde turyp jatyr. Bul týraly Tótenshe jaǵdailar ministri Iýrii Ilin halyq aldynda esep berý kezdesýinde aitty, dep habarlaidy QazAqparat.
«Jyldyń I toqsanynda 2 990 tótenshe jaǵdai men oqiǵa tirkelip, 354 adam zardap shekti, 171 adam qaza tapty. Materialdyq shyǵyn shamamen 593 mln teńgege jetti. Ótken qysta jylytý kezeńi kúrdeli ótti. Jylytý kezeńi bastalatyn qarasha-jeltoqsan ailarynda biz turǵyn úi sektorynda aldyn alý jumystaryn júrgizemiz. Sonyń ishinde aýlalardy aralaý, nusqaýlyqtar jáne jadynamalar tapsyrý turaqty uiymdastyrylady», - degen ministr kúzden beri sondai túsindirý jumystary 2,4 millionǵa jýyq turǵyn úidi qamtyǵanyn atady.
«2019 jyldan bastap azamattardyń osy sanatymen jumys isteýge áleýmettik qorǵaý, bilim berý jáne politsiia organdaryn tartyp júrmiz. Esepte barlyǵy 118 959 otbasy bar. Olardy eki qaitara aralap, túsindirý jumystaryn júrgizdik. 8 129 otbasy órt qaýipsizdigi durys saqtalmaityn, aqaýy bar úilerde turyp jatyr. Bul týraly ákimdikterge habarlanǵan. Sonyń nátijesinde biyl áleýmettik túrǵyda osal topqa jatatyn úilerde órt sanyn 18 esege azaidy», - deidi Iýrii Ilin.
Ministdiń deregi boiynsha, 2019-2020 jyldary halyqtyń osy sanatyndaǵy úilerde 354 órt bolyp, 38 adam qaza taptqan. Onyń ishinde 4 kópbalaly otbasy bar. 2020-2021 jylytý maýsymynda 19 órt tirkelip, 2 toptaǵy múgedek turǵyn kóz jumǵan.
«Sondai-aq, aldyn alý sharalarynyń arqasynda ýly gazdan bolatyn adam ólimi 28%-ǵa tómendedi», - dedi ministr.
