8 qarasha - jeksenbi kúni Nur-Sultanda qoǵamdyq kólik júrmeidi, dep habarlaidy "Ult aqparat".
Bul jaiynda City Transportation Systems kompaniiasy málimet taratty.
«8 qarashada dezinfektsiialyq jumystardyń júrgizilýine bailanysty qoǵamdyq kólik bir kúnge toqtaidy. Dúisenbi kúni, 9 qarashada avtobýstar qaitadan qatynaidy. Qala turǵyndaryn sanitarlyq normalardy saqtaýǵa shaqyramyz» dep jazdy kompaniia Instagram paraqshasynda.
Avtobýsqa maskasyz kirýge tyiym salynady. Jol aqysy qolma-qol aqshasyz, SMS kómegimen jáne mobildi qosymshalar arqyly tólenedi.
Eske sala keteiik, elordadaǵy qoǵamdyq kólik jolaýshylaryna yńǵaily bolý úshin tólem jasaýdyń túrli ádisteri men tarifteri qarastyrylǵan:
- kólik ámiiany - aqshany kólik kartasyna aýdarý;
- kólik bileti - 10 saparǵa arnalǵan qaǵaz kólik kartasy;
- «SMS arqyly tólem jasaý» - uialy bailanys operatory arqyly jol aqysyn qolma-qol aqshasyz elektrondy túrde tóleýdiń qosymsha qyzmeti;
- «QR-kod arqyly tólem jasaý» - jolaýshynyń bank kartasymen bailanysqan mobildik qosymsha arqyly nemese abonenttik nómirdegi teńgerimnen aýdarý arqyly júzege asyrylady;
- birlesken brendtik karta - jol aqysyn elektrondy túrde tóleý júiesinde paidalanýǵa arnalǵan kólik kartasynyń integratsiialanǵan chipi bar jeke banktik karta.
Táýliktik jol júrý biletiniń jaramdylyǵy satyp alynǵan sátten emes, birinshi validatsiiadan keiin eseptele bastaidy.
