Nur-Sultanda 3 jasar qyzdy qutqarýǵa at salysqan taǵy bir jigit tabyldy, - dep habarlaidy "Ult aqparat".
Buǵan deiin Sábit suhbattarynyń birinde tereze jabylyp ketpeýi úshin ony ustap turǵan úshinshi adam bolǵanyn aitqan edi. Batyr esimdi bloger sol azamatty izdep tapqan. Blogerdiń aitýynsha, úshinshi jigittiń esimi - Nuraidyn. 2003 jylǵy Qyzylorda oblysy, Qazaly aýdanynyń týmasy.
"Astanada aǵasynyń úiinde turady. Qazir Qaraǵandy ýniversitetiniń matematika jáne aqparattyq tehnologiialar fakýltetinde ekinshi kýrsta oqidy. Dál sol kúni ol sessiiaǵa asyǵyp bara jatqan. Biraq sol sátte Saǵidiń qasynda terezeni tirep turǵan osy Nuraidyn bolǵan eken. Saǵi ózi de keiingi videoda qasymyzda taǵy bir jigit bolǵan deidi. Taptyq. Qarapaiym jigit. Stýdent. Ózim túsemin degen joq. Ózim túsireiin dedim. Osyndai jigitterdi el bilip júrsin dedim. Ata-anasy da qýanyp júrsin. Jaraisyń, Nuraidyn.
Bul jigitke medal, eshnárse kerek emes! Erekshe qurmettiń de keregi joq! Tek el bilsin dep kórsettim", - dedi bloger.
