Germaniiada sáýirdiń 19-yna Sovet odaǵy men Polsha soldattarynyń Zaksenhaýzen jáne Ravensbriýk kontslagerlerin azat etkenine 75 jyl tolǵanyna arnalǵan dini ǵibadat ótti. Koronavirýs pandemiiasyna bailanysty natsizm qurbandarynyń memorialynda josparlanǵan shara bolmaǵan.
Zaksenhaýzen tutqyndaryn azat etý kúni Germaniia syrtqy ister ministri Haiko Mas pen Polsha syrtqy ister ministri Iatsek Chapýtovich birlesken videoúndeý joldady. Olar «qaitadan beleń alyp kele jatqan» antisemitizm men jekkórýshilikke qarsy kúresti toqtatpaý qajettigin aitty.
"Germaniiada, ne onyń syrtynda bolsyn, natsizm qurbandaryn qylmyskerge ainaldyryp kórsetýge nemister únsiz tózip otyra almaidy, - dep málimdedi Mas.
Sovet odaǵy men Polsha soldattary Zaksenhaýzen kontslagerin 1945 jyly 22-23 sáýirde, Ravensbriýk kontslagerin 30 sáýirde azat etken. Belgili derekterge qaraǵanda, Ravensbriýk kontslagerinde 28 myńǵa jýyq tutqyn óltirilgen. Bul aqparatty «Nemetskaia volna» habarlady.
1917 jyly qarasha aiynda bolshevik Vladimir Ýlianov (Lenin) bastaǵan tóńkeristen keiin qurylǵan Sovet ókimetiniń quramynda Qazaqstan 1991 jyldyń sońyna deiin bolǵan.
