گەرمانييادا سەۋٸردٸڭ 19-ىنا سوۆەت وداعى مەن پولشا سولداتتارىنىڭ زاكسەنحاۋزەن جەنە راۆەنسبريۋك كونتسلاگەرلەرٸن ازات ەتكەنٸنە 75 جىل تولعانىنا ارنالعان دٸني عيبادات ٶتتٸ. كوروناۆيرۋس پاندەميياسىنا بايلانىستى ناتسيزم قۇرباندارىنىڭ مەموريالىندا جوسپارلانعان شارا بولماعان.
زاكسەنحاۋزەن تۇتقىندارىن ازات ەتۋ كٷنٸ گەرمانييا سىرتقى ٸستەر مينيسترٸ حايكو ماس پەن پولشا سىرتقى ٸستەر مينيسترٸ ياتسەك چاپۋتوۆيچ بٸرلەسكەن ۆيدەوٷندەۋ جولدادى. ولار «قايتادان بەلەڭ الىپ كەلە جاتقان» انتيسەميتيزم مەن جەككٶرۋشٸلٸككە قارسى كٷرەستٸ توقتاتپاۋ قاجەتتٸگٸن ايتتى.
"گەرمانييادا, نە ونىڭ سىرتىندا بولسىن, ناتسيزم قۇرباندارىن قىلمىسكەرگە اينالدىرىپ كٶرسەتۋگە نەمٸستەر ٷنسٸز تٶزٸپ وتىرا المايدى, - دەپ مەلٸمدەدٸ ماس.
سوۆەت وداعى مەن پولشا سولداتتارى زاكسەنحاۋزەن كونتسلاگەرٸن 1945 جىلى 22-23 سەۋٸردە, راۆەنسبريۋك كونتسلاگەرٸن 30 سەۋٸردە ازات ەتكەن. بەلگٸلٸ دەرەكتەرگە قاراعاندا, راۆەنسبريۋك كونتسلاگەرٸندە 28 مىڭعا جۋىق تۇتقىن ٶلتٸرٸلگەن. بۇل اقپاراتتى «نەمەتسكايا ۆولنا» حابارلادى.
1917 جىلى قاراشا ايىندا بولشەۆيك ۆلاديمير ۋليانوۆ (لەنين) باستاعان تٶڭكەرٸستەن كەيٸن قۇرىلعان سوۆەت ٶكٸمەتٸنٸڭ قۇرامىندا قازاقستان 1991 جىلدىڭ سوڭىنا دەيٸن بولعان.
