Qyzylordada politseiler 10 jyl buryn firmadan 74,5 million teńgeden asa qarajat urlady degen kúdiktini ustady, - dep habarlaidy Polisia.kz.
Portal málimetinshe, Qyzylorda oblysy Politsiia departamentiniń Kriminaldyq politsiia basqarmasynyń qyzmetkerleri 2014 jyldan beri izdeýde júrgen qylmyskerdi qolǵa túsirdi.
Qostanai oblysynyń 56 jastaǵy turǵyny adamdar tobynyń aldyn ala sóz bailasýy arqyly asa iri mólsherde urlyq jasaǵan. Oǵan qatysty qylmystyq is qozǵalyp, "qamaýǵa alý" bultartpaý sharasy qoldanylyp, izdeý jariialanǵan.
Keiin bul oqiǵa boiynsha arnaiy izdestirý sharalary júrgizildi.
Portal málimetine qaraǵanda, 2012 jyldyń aqpanynda kúdikti sybailasymen birge jalǵan kelisimshart negizinde Qyzylorda qalasyndaǵy firmalardyń birinen 74 580 940 teńge kóleminde aqshany bank arqyly esepshotyna aýdaryp, jymqyryp ketken.
Izdestirý sharalarynyń nátijesinde, Qyzylorda oblysy Politsiia departamentiniń qyzmetkerlerimen izdeýde júrgen qylmysker Aqmola oblysynda ustalyp, Nur-Sultan qalasynda qamaýǵa alyndy.
