Qazaqstan Úkimeti Tótenshe jaǵdaiynda meditsinalyq saqtandyrý jarnalary boiynsha bereshekteri qalyptasqan halyqtyń keibir sanattaryna MÁMS júiesinde saqtandyrý mártebesin berý boiynsha áleýmettik meditsinalyq saqtandyrý qorynyń bastamalaryna qoldaý kórsetti.
«Biz áleýmettik meditsinalyq saqtandyrý qoryna kelip túsken ótinishterge taldaý jasadyq jáne azamattardyń saqtandyrylǵan mártebesiniń bolmaýynyń negizgi sebepterin anyqtadyq. Qazaqstandyqtardyń bir bóligi qatań karantin men tótenshe jaǵdai kezinde MÁMS júiesine jarna tóleý múmkindiginen airyldy, olarǵa meditsinalyq kómekke qol jetkizý úshin qoldaý qajet boldy. Qor Densaýlyq saqtaý ministrligi men QR Úkimeti qoldaǵan osyndai usynystardy ázirledi», – dep Áleýmettik meditsinalyq saqtandyrý qorynyń basqarma tóraǵasy Bolat Tókejanov atap ótti.
Taldaý kórsetkendei, «saqtandyrylǵan» mártebesiniń bolmaýynyń negizgi sebebi 42,5 myń teńge mólsherinde birjolǵy áleýmettik tólem alý úshin jeńildikti sanattaǵy ókildermen BJT tólenýi boldy. Osyǵan bailanysty aqparattyq júieler olardy avtomatty túrde BJT tóleýshiler sanatyna aýystyrdy. Tiisinshe, olar Saqtandyry bazasynda jeńildetilgen sanattardan «shyǵaryldy». Sondai-aq, tótenshe jaǵdai kezinde tólemderinde úzilister týyndaǵan jaldamaly qyzmetkerler, jeke kásipkerler, jeke praktikamen ainalysatyn tulǵalar MÁMS júiesinen tys qaldy.
Osyǵan bailanysty, Úkimet kelesi sharalardy qoldady:
- jaldamaly qyzmetkerler sońǵy 3 aida keminde 1 tólem bolǵan kezde jáne eger tólemder boiynsha bereshek jyl basynan beri 2 aidan aspasa, MÁMS júiesinde qalpyna keltiriledi;
- jeke kásipkerler, jeke praktikamen ainalysatyn adamdar, sondai-aq sońǵy 3 aida tólem bolǵan jaǵdaida, jyl basynan bastap 2 aidan aspaityn bereshegi barlar (memlekettik kirister komitetiniń resmi aqparatyna sáikes, olar qyzmetin toqtatqan jaǵdaida) saqtandyrylǵan adamdardyń mártebesin alady;
- TJ kezeńinde jeńildik sanatymen BJT tólegenderdiń tólemi esepke alynbaidy jáne saqtandyrý mártebesi avtomatty túrde qaitarylady;
- COVID-19-ǵa qarsy kúres sheńberindegi shekteý is-sharalaryna bailanysty qyzmetkerlerdiń májbúrli demalystarda kútimsiz bolǵan kezeńderi bereshek retinde esepke alynbaidy. Bul rette tabysty joǵaltýdyń dáleli tabystyń joǵalýyna bailanysty birjolǵy áleýmettik tólem alý bolyp tabylady (42500 teńge).
«Bul sharalar meditsinalyq saqtandyrý júiesine 740 myńǵa jýyq adamdy qaitardy. Bul sanattardy qosý jumystary áli de júrgizilýde jáne úkimet sharalarynyń arqasynda saqtandyrylǵandar sany áli de arta túsedi. Osylaisha, koronavirýstyq pandemiiaǵa bailanysty tabysynan aiyrylǵan nemese benefitsiarlardyń arasynan shyqqan azamattar meditsinalyq saqtandyrý júiesine qaitarylady jáne meditsinalyq kómektiń barlyq kólemin ala alady», – dep Qor basshysy atap ótti.
Mártebeni alý úshin azamattarǵa qandai-da bir jerge barýdyń qajeti joq. Barlyq derekter aqparattyq júielerde avtomatty túrde jańartylady.
Sondai-aq, Qor ýákiletti ministrliktermen birlesip, 2020 jyldyń 1 qazanyna deiin MÁMS jarnalary men aýdarymdarynan bosatylǵan ShOB-tyń saqtandyrylǵan qyzmetkerlerine mártebe berý boiynsha jumys júrgizýde. Bul 800 myńnan astam jumyskerge áser etedi.
Saqtandyrý mártebesi boiynsha suraqtar týyndaǵan jaǵdaida, Play Market jáne App Store-da ornatýǵa bolatyn Qoldau 24/7 mobildi qosymshasy arqyly Áleýmettik meditsinalyq saqtandyrý qoryna júginý qajet.
