Josparǵa sáikes 736 nysandy jekeshelendirý tizimine engizildi. Bul týraly QR Qarjy ministrliginiń alqa májilisinde QR Premer-Ministriniń birinshi orynbasary Álihan Smaiylov málim etti, dep habarlaidy QazAqparat.
«Úkimet jekeshelendirýdiń 2021-2025 jyldarǵa arnalǵan keshendi josparyn qabyldady. 736 nysandy jekeshelendirý josparǵa engizildi. Bul tizim jyl saiyn tolyǵyp turady. Sonymen birge, onyń 40 paiyzy biyl satylýy kerek», - dedi Á. Smaiylov.
Osy oraida ol bul baǵyttaǵy jumystarǵa bailanysty belsendi sharalardy qabyldaý kerektigin tapsyrdy.
«Ár nysandy ótkizý boiynsha jol kartasyn bekitip, memorgandar, ákimdikter jáne «Samuryq-Qazyna» qory jospardy der kezinde oryndaýyna qatysty monitoringti kúsheitý kerek», - dedi Úkimet basshysynyń birinshi orynbasary.
