Tótenshe jaǵdai (budan ári – TJ) kezeńinde tólemder alǵan, qyzmetiniń qaita shektelý múmkindigi joǵary 700 myń qazaqstandyqqa Memlekettik áleýmettik saqtandyrý qorynan (budan ári – MÁSQ) eń tómengi jalaqy (budan ári – ETJ) – 42 500 teńge mólsherinde birjolǵy tólemdi proaktivti taǵaiyndaý týraly SMS habarlama tústi.
Bul týraly QR Eńbek jáne halyqty áleýmettik qorǵaý ministrliginiń baspasóz qyzmeti habarlady.
Budan buryn habarlanǵandai, Memleket basshysynyń tapsyrmasy boiynsha 2020 jylǵy shildede karantin sharalarynyń engizilýine bailanysty jumys isteitin qazaqstandyqtarǵa tabysy tolyq joǵalǵan jaǵdaida eń tómengi jalaqy – 42 500 teńge mólsherinde bir jolǵy tólem (budan ári – tólem) júzege asyrylatyn bolady.
Osydan bir kún buryn, QR Prezidenti janyndaǵy Ortalyq kommýnikatsiialar qyzmetinde ótken brifingte Qazaqstan Respýblikasy Eńbek jáne halyqty áleýmettik qorǵaý ministri Birjan Nurymbetov tótenshe jaǵdai kezinde tólem alǵan azamattarǵa, olardyń qyzmeti aǵymdaǵy jyldyń shilde aiynda shekteýlerge ushyraýy ábden múmkin ekenin, sondyqtan tólemdi proaktivti taǵaiyndaý úshin kiristi joǵaltý faktisin rastaityn SMS-habarlama jiberiletinin aitty.
«Biz tólemderdi proaktivti formatta taǵaiyndaýdy qarastyramyz. Biz qyzmeti shektelgen bolsa, sońǵy ret tólem alǵan azamattardan SMS arqyly tabysyn joǵaltý faktisin rastaýdy suraimyz. Oń jaýap pen proaktivti túrde taǵaiyndaýǵa kelisim bolǵan jaǵdaida, tólemder ótinishsiz taǵaiyndalady. Olardyń portaldarǵa ótinish berýiniń qajeti joq, olar óz mártebesin odan ári qadaǵalai alady», – dedi ministr.
Sondai-aq, Birjan Nurymbetov tólemderdi taǵaiyndaý úshin ótinishterdi qabyldaý aǵymdaǵy jyldyń 17 shildesinde bastalatynyn habarlady. Portaldar men Telegram bottar búgin kúnniń ekinshi jartysynda iske qosylady.
Kelesi arnalardy paidalana otyryp, ótinish berýge bolady:
- egov.kz – «elektrondyq úkimettiń» veb-portaly;
- 42500.enbek.kz portaly;
- «Elektrondyq úkimet» telegram-bot-y;
- Aitu messendjerinde42500.enbek.kz qosymshasy;
- ekinshi deńgeidegi bankterdiń mobildi qosymshalary men internet-resýrstary arqyly.
Ótinimderdi qabyldaý 2020 jyldyń 1 qyrkúiegine deiin jalǵasady.
