Qazaqstan Respýblikasynyń Memlekettik hatshysy Gúlshara Ábdiqalyqovanyń tóraǵalyǵymen Qazaqstan Respýblikasynyń Prezidenti janyndaǵy Azamattyq máseleleri jónindegi komissiianyń otyrysy ótti, dep habarlaidy "Ult aqparat" Aqordanyń baspasóz qyzmetine silteme jasap.
Jiynda Qazaqstan azamattyǵyna qabyldaý jáne odan shyǵý máseleleri qarastyryldy.
Memleket basshysy tiisti Jarlyqqa qol qoiǵannan keiin bizge jaqyn jáne alys shetelderden kelgen ár túrli etnostyń 734 ókili elimizdiń jańa azamaty bolady.
Memlekettik hatshy táýelsizdik alǵan sátten beri 1 millionnan astam adam elimizdiń azamattyǵyn alǵanyna toqtaldy. Bul Nursultan Nazarbaevtyń basshylyǵymen ornyqty ósip-órkendep kele jatqan Qazaqstannyń álemdegi tartymdy memleketterdiń birine ainalǵanyn aiǵaqtaidy.
Gúlshara Ábdiqalyqova Tuńǵysh Prezident kúni qarsańynda jańa azamattardy qýana qarsy alatynymyzdy, olarǵa baqytty ómir jáne budan bylai olardyń da Otany bolyp sanalatyn elimizdiń igiligi jolyndaǵy eńbekterine tabys tileitinimizdi aitty.
Memlekettik hatshy jańa otandastar elimizdiń laiyqty azamaty bolyp, táýelsiz Qazaqstannyń odan ári damýy men ósip-órkendeýine óz úlesin qosatynyna senim bildirdi.
Sondai-aq, basqosý barysynda Syrtqy ister ministrliginiń jekelegen baǵyttar boiynsha qyzmetiniń qorytyndylary talqylandy.
Komissiia otyrysynyń qorytyndysy boiynsha tiisti sheshimder men usynymdar qabyldandy.
.jpeg)