Foto:androidlime.ru
Tsifrlyq damý, innovatsiialar jáne aeroǵarysh ónerkásibi ministrligi Qazaqstannyń telefon kodyn ózgerissiz qaldyrý jóninde sheshim qabyldady, dep habarlaidy "Ult Aqparat".
QR TsDIAÓM Qazaqstan Respýblikasy Úkimeti men Resei Federatsiiasy Úkimeti arasynda dúniejúzilik nómirleýdiń 7-shi aimaǵyn birlesip paidalaný týraly Kelisimge qol qoiý týraly Úkimet qaýlysyn daiyndady. Qazirgi ýaqytta eki eldiń bailanys vedomstvolary arasynda Kelisim jasalǵan, -delingen habarlamada.
2021 jyly Qazaqstanǵa jeke kod alý maqsatynda halyqaralyq telefon kody +997 rezervke qoiyldy.
Bailanys operatorlarymen jańa kodqa kóshý máselesin talqylaý barysynda, jańa kodqa kóshý múmkin ekeni, biraq birqatar qarjylyq jáne tehnologiialyq problemalar týyndaityny anyqtaldy.
Sonymen qatar, otandyq bailanys operatorlarynyń barlyq abonentteri memlekettik jáne banktik qyzmetterdi, áleýmettik jeliler men túrli qosymshalardy alý úshin óz derekterin jańartýy qajet bolady. Osyǵan bailanysty kóshý kezeńinde aqaýlar men jaǵymsyz tájiribeniń yqtimaldyǵy joǵary.
Osyǵan bailanysty, azamattardyń yńǵailylyǵy úshin Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi Halyqaralyq elektr bailanysy odaǵymen qaita kelissózder júrgizip, +7 halyqaralyq kodyn ózgerissiz qaldyrý týraly sheshim qabyldandy, -dep habarlaidy vedomstvo.
Resei Federatsiiasy Úkimeti men Qazaqstan Respýblikasy Úkimeti arasynda dúniejúzilik nómirleýdiń 7-shi aimaǵyn paidalaný týraly jańa Kelisimge qol qoiý máselesi Resei Federatsiiasynyń Tsifrlyq damý, bailanys jáne buqaralyq kommýnikatsiialar ministrligimen qaraldy.
Qazirgi ýaqytta jobany maquldaý týraly Resei Federatsiiasynyń Notasyn alý kútilýde.
