2019 jyldyń qańtar-shildesinde Qazaqstan azamattarynyń shetelge aýdarǵan aqsha qarajattarynyń somasy 345,5 mlrd teńgeni qurady, dep habarlaidy Qazaqparat tilshisi ranking.kz-ke silteme jasap.
Osy jyldyń 7 aiyndaǵy halyqaralyq aqsha aýdarý júiesi arqyly jiberilgen qarajat kólemi 369,1 mlrd teńgeni quraǵan. Atalǵan somanyń 345,5 mlrd teńgesi shetelge, al 23,6 mlrd teńgesi Qazaqstan aýmaǵyna aýdarylǵan. Al halyqaralyq aqsha aýdarý júiesi arqyly shetelden Qazaqstanǵa kelgen qarajattyń somasy 203 mlrd teńgeni quraidy. Bul ótken jyldyń qańtar-shildesindegi somadan 8,8 paiyzǵa kóp. Osy ýaqyt aralyǵynda shetelge aýdarylǵan jáne shetelden alynǵan transshekaralyq aýdarymdar kólemindegi aiyrmashylyq bir jyldyń ishinde 135,8 mlrd teńgeden, 142,5 mlrd teńgege deiin artyp otyr.
Halyqaralyq aqsha aýdarý júiesi arqyly transshekaralyq aýdarymdar jasalatyn elder arasynda Resei, Ózbekstan, Túrkiia jáne Qyrǵyzstan kósh bastap tur.
Aitalyq, 7 aidyń ishinde qazaqstandyqtar Reseige 116,9 mlrd teńge aýdaryp, ol jaqtan 72 mlrd teńge alǵan. Degenmen, elimizden kórshi elge aýdarymdar bir jyldyń ishinde 8,7 paiyzǵa, al Qazaqstanǵa aýdarymdar 23,7 paiyzǵa qysqarǵan.
Al Qazaqstannan Ózbekstanǵa 72,1 mlrd teńge aýdarylsa, ol jaqtan elimizge kelgen aqsha kólemi ne bári 14,9 mlrd teńgeni ǵana quraidy. Munan bólek, qazaqstandyqtar Túrkiiaǵa 47 mlrd teńge aýdaryp, 3,8 mlrd teńge alsa, Qyrǵyzstanǵa jiberilgen qarajat 43,4, al kelip túsken aqsha kólemi 13,4 mlrd teńge boldy. Qazaqstandyqtar Koreia Respýblikasynan 32,2 mlrd teńge aqsha aýdarymyn alǵan.
