2019 جىلدىڭ قاڭتار-شٸلدەسٸندە قازاقستان ازاماتتارىنىڭ شەتەلگە اۋدارعان اقشا قاراجاتتارىنىڭ سوماسى 345,5 ملرد تەڭگەنٸ قۇرادى, دەپ حابارلايدى قازاقپارات تٸلشٸسٸ ranking.kz-كە سٸلتەمە جاساپ.
وسى جىلدىڭ 7 ايىنداعى حالىقارالىق اقشا اۋدارۋ جٷيەسٸ ارقىلى جٸبەرٸلگەن قاراجات كٶلەمٸ 369,1 ملرد تەڭگەنٸ قۇراعان. اتالعان سومانىڭ 345,5 ملرد تەڭگەسٸ شەتەلگە, ال 23,6 ملرد تەڭگەسٸ قازاقستان اۋماعىنا اۋدارىلعان. ال حالىقارالىق اقشا اۋدارۋ جٷيەسٸ ارقىلى شەتەلدەن قازاقستانعا كەلگەن قاراجاتتىڭ سوماسى 203 ملرد تەڭگەنٸ قۇرايدى. بۇل ٶتكەن جىلدىڭ قاڭتار-شٸلدەسٸندەگٸ سومادان 8,8 پايىزعا كٶپ. وسى ۋاقىت ارالىعىندا شەتەلگە اۋدارىلعان جەنە شەتەلدەن الىنعان ترانسشەكارالىق اۋدارىمدار كٶلەمٸندەگٸ ايىرماشىلىق بٸر جىلدىڭ ٸشٸندە 135,8 ملرد تەڭگەدەن, 142,5 ملرد تەڭگەگە دەيٸن ارتىپ وتىر.
حالىقارالىق اقشا اۋدارۋ جٷيەسٸ ارقىلى ترانسشەكارالىق اۋدارىمدار جاسالاتىن ەلدەر اراسىندا رەسەي, ٶزبەكستان, تٷركييا جەنە قىرعىزستان كٶش باستاپ تۇر.
ايتالىق, 7 ايدىڭ ٸشٸندە قازاقستاندىقتار رەسەيگە 116,9 ملرد تەڭگە اۋدارىپ, ول جاقتان 72 ملرد تەڭگە العان. دەگەنمەن, ەلٸمٸزدەن كٶرشٸ ەلگە اۋدارىمدار بٸر جىلدىڭ ٸشٸندە 8,7 پايىزعا, ال قازاقستانعا اۋدارىمدار 23,7 پايىزعا قىسقارعان.
ال قازاقستاننان ٶزبەكستانعا 72,1 ملرد تەڭگە اۋدارىلسا, ول جاقتان ەلٸمٸزگە كەلگەن اقشا كٶلەمٸ نە بەرٸ 14,9 ملرد تەڭگەنٸ عانا قۇرايدى. مۇنان بٶلەك, قازاقستاندىقتار تٷركيياعا 47 ملرد تەڭگە اۋدارىپ, 3,8 ملرد تەڭگە السا, قىرعىزستانعا جٸبەرٸلگەن قاراجات 43,4, ال كەلٸپ تٷسكەن اقشا كٶلەمٸ 13,4 ملرد تەڭگە بولدى. قازاقستاندىقتار كورەيا رەسپۋبليكاسىنان 32,2 ملرد تەڭگە اقشا اۋدارىمىن العان.
