2020 jyldyń 7 aiynyń qorytyndysynda elimizde 61 308 baspana paidalanýǵa berildi. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy "Ult aqparat".
«Qurylys salasynda naqty kólem indeksi 2020 jyldyń qantar-shilde ailarynda 106,3 paiyzdy qurady. Ósim óńirlerde qurylys-montajdaý jumystaryn qaita jańǵyrtýǵa bailanysty qurylys kólemin arttyrý esebinen qamtamasyz etiledi. 16 óńirde oń dinamika baiqalady», - dedi ol.
Ministrdiń aitýynsha, turǵyn úi qurylysy salasyndaǵy 7 aidyń qorytyndysynda 6 mln 9 myń sharshy metr turǵyn úi paidalanýǵa berilgen. Bul ótken jyldyń sáikes kezeńimen salystyrǵanda 107,5 paiyz kóp.
«Respýblika boiynsha barlyǵy 61 308 baspana paidalanýǵa berildi. Turǵyn úidi paidalanýǵa berý kóleminiń artýy respýblikanyń 15 óńirde tirkelgen. Kópqabatty jáne jeke turǵyn úiler salý kóleminiń tómendeýi saldarynan Atyraý jáne Túrkistan oblystarynda tómendeý baiqalady», - dedi Beibit Atamqulov.
Onyń dereginshe, biyl «Nurly jer» baǵdarlamasy boiynsha 15 mln sharshy metr turǵyn úi salý josparlanyp otyr.
«Osy josparǵa qol jetkizý úshin óńirlerge sáýir aiynda áleýmettik kredittik turǵyn úidiń 15 myń páteriniń qurylysyna qosymsha 180 mlrd teńge bólindi», - dedi ol.
