«Nurly jer» memlekettik baǵdarlamasynyń turǵyn úiin «7-20-25» baǵdarlamasy arqyly satyp alýdyń algoritmy páterdi jeke qurylys kompaniialar arqyly satyp alý tetigine uqsas, dep habarlaidy «Baspana» ipotekalyq uiymy. Aiyrmashylyǵy turǵyn úidiń satýshysy jergilikti ákimdikter bolatyny ǵana.
Birinshi qadam. Ákimdikter páter ótkizýdi bastaý jáne turǵyn úi sanynyń «7-20-25» baǵdarlamasynyń qatysýshylary úshin jetkilikti ekeni týraly habarlaǵannan keiin ákimdikke ótinish jasap, unaǵan páterdi brondaý qajet. Sondai-aq, «7-20-25» baǵdarlamasyna qatysýshy bankterdiń birine baryp, kredit alýǵa ótinish jazady jáne barlyq qajetti qujattardy tapsyrady. Barlyq qajetti qujattardyń bankke tapsyrylǵany týraly ákimdikke habarlaý jáne qajet bolǵan kezde brondi uzartý qajet.
Ekinshi qadam. Bank qaryz alýshynyń barlyq qujattarynyń «7-20-25» baǵdarlamasynyń talaptaryna sáikes kelýin qaraidy jáne ipotekalyq kredit berýdi maquldaidy (ne maquldamaidy). Eger ipoteka maquldansa, qaryz alýshy bankten kepildik hatyn alyp, ákimdikke beredi. Ákimdik satyp alý-satý shartyn daiyndaidy.
Úshinshi qadam. Notariýs satyp alý-satý shartyn kýálandyrýǵa tiis. Budan keiin banktiń sheshimi jáne onyń kelisýi boiynsha qaryz alýshy bastapqy jarnany ne bankke, ne ákimdiktiń shotyna engizedi. Qaryz alýshy satyp alý-satý shartyn «Azamattarǵa arnalǵan úkimet» memlekettik korporatsiiasy» KEAQ-ta (HQKO) nemese notariýs arqyly (EGOV.KZ onlain) tirkeidi. Tirkelgen satyp alý-satý shartyn bankke tapsyrý qajet.
Tórtinshi qadam. Ótinish berýshi bankte: qaryz shartyna, tólem jasaý kestesine, satyp alynatyn turǵyn úidi kepilge qoiý shartyna qol qoiady. Qaryz alýshy satyp alynatyn turǵyn úidi kepilge qoiý shartyn «Azamattarǵa arnalǵan úkimet» memlekettik korporatsiiasy» KEAQ-ta (HQKO) nemese notariýs arqyly (EGOV.KZ onlain) tirkeidi. Satyp alynatyn turǵyn úidi kepilge qoiý sharty memlekettik tirkelgennen keiin bank qaryz somasyn ákimdikke aýdarady.
Besinshi jáne kóńilge eń unamdy qadam. Azamat jańa páterdiń kiltin alyp, óziniń menshikti turǵyn úiine kóshedi.
