Indýstriia jáne infraqurylymdyq damý ministrligi "7-20-25" baǵdarlamasy uzartýdy usyndy, dep habarlaidy Sputnik Qazaqstan.
Ministr Qaiyrbek Óskenbaevtiń aitýynsha, búginde halyq ta, bankter de baǵdarlamanyń jalǵasqanyn qoldap otyr.
"7-20-25" baǵdarlamasy aiaqtalýǵa taiaý. Biraq halyq ta, bankter de bul baǵdarlamany ary qarai jalǵastyrýdy usynyp otyr. Biz de ol máseleni kóterip, ulttyq bankke óz usynystarymyzdy berip jatyrmyz. Biraq qandai sheshim bolatyny ázirshe belgisiz. Ony áli aqyldasyp jatyrmyz", - dedi Óskenbaev úkimet otyrysynan keiingi brifingte.
Aita keteri, "7-20-25" baǵdarlamasy boiynsha daiyn jańa baspanany satyp alýǵa bolady.
Alaida ótinish berýshi tulǵanyń atynda eshqandai baspana bolmaýy kerek.
Mólsherleme - 7%, eń tómengi jarna - keminde 20%-i, merzimi – 25 jylǵa deiin. Baǵdarlama naqty merzimi joq.
Biraq oǵan bólingen 1 trillion teńge kólemindegi somany igergennen keiin baǵdarlamany jabý josparlanyp otyr.
