QR Ultyq banki «7-20-25» baǵdarlamasynyń iske asyrylýy týraly aqparatty jariia etti, dep habarlaidy "Ult aqparat" banktiń baspasóz qyzmetine silteme jasap.
«7-20-25» baǵdarlamasyn iske asyrý sheńberinde 2019 jylǵy 20 mamyrdaǵy jaǵdai boiynsha qaryz alýǵa 147,5 mlrd teńge somasyna 13 003 ótinish qabyldandy. Onyń ishinde 89,7 mlrd teńge somasyna qaryz berýge 7 737 ótinish maquldandy», delingen habarlamada.
Aita keterligi, «7-20-25» baǵdarlamasy boiynsha suraqtarǵa «Baspana» ipotekalyq uiymy + 7 (727) 227-20-25 nómiri boiynsha jaýap beredi. Bailanys nómirleri táýlik boiy jumys isteidi. Sonymen qatar ipotekalyq uiymnyń internet-resýrsynda qosymsha maǵlumattar alýǵa bolady.
