Foto: elements.envato.com
Indýstriia jáne infraqurylymdyq damý ministri Marat Qarabaev turǵyn úidi ipotekalyq nesieleýdiń "7-20-25" baǵdarlamasy qajet ekenin aitty, - dep habarlaidy Tengrinews.kz saity.
Jýrnalister ministrden "7-20-25" baǵdarlamasy qajet pe, ol ári qarai jumys istei me degen saýal qoidy.
"Baǵdarlamany jalǵastyrý kerek dep sanaimyn. Men aitqan 600 milliard (teńge) adamdardan túsken ótinimder sanynan quralady. Biraq Ulttyq bank jyl saiyn 100 milliard (teńge) bólýge sheshim qabyldady. Bir baǵdarlama aiasynda "Baqytty otbasy", "Shańyraq", "7-20-25" baǵdarlamalarynan basqa eshteńe qalmaidy. Iá, bul baǵdarlamany jalǵastyrý kerek dep oilaimyn", - dedi Qarabaev jýrnalisterdiń suraqtaryna jaýap berip.
Sonymen qatar, jýrnalister ministrden turǵyn úi nesiesine qarjy jetkilikti me dep surady.
"Joq, bul jetkiliksiz dep oilaimyn. Bizge qazir azamattardan 600 milliardqa (teńge) suranys túsip jatyr. Sondyqtan qazir 100 milliard teńge kóleminde aqsha bólinip jatyr. Biýdjet múmkindigi sheksiz emes, aqsha biýdjet múmkindigine qarai bólinedi", - dep túsindirdi Qarabaev.
Eske salaiyq, buǵan deiin Qazaqstannyń ornyqtylyq qory ókilderi "7-20-25" ipotekalyq baǵdarlamasy týraly pikir bildirgen bolatyn. Qordyń málimetinshe, "7-20-25" baǵdarlamasy óz jumysyn jalǵastyryp jatyr. 2023 jylǵa arnalǵan limit 100 milliard teńge mólsherinde bekitilgen.
